مدينتي

طبعا موضوع بطلان عقد مدينتي اليومين دول حاجة جميلة جدا يعني الأول كان في حملة لتسديد ديون مصر و الشعب كله شارك فيها و بعدين شركات توظيف الأموال و كأنها نشأت في الضلمة من غير ما حد يشوفها و بعدين  البرصة لسرقة أموال الغلابة و أخيرا الكام سنة الأخيرة بدأت حملة بيع مصر نفسها مش مشكلة أما حملة سرقة و نهب و هبش مصر الحالية دي جديدة الحملة دي جديدة !!!!!!!
و عملية تفصيل قانون جديد علشان ييجي علي مقاس العقد القديم و كله من أجلك أنت
و طبعا ده و قت إنتخابات و خلافه معقول يعني الحكومة او السلطة التنفيذية في الدولة ترفض تنفيذ حكم قضائي من السلطة القضائية المغلوبة علي أمرها ده حتي سيد قراره أو السلطة بفتح اللام التشريعية ممكن تتبخله أي حاجة و تيجي زي ما تيجي أصله ده مال يهود مش مال الشعب و إلا مال مصر أصل دي مصر مبارك البنت الصغيرة القاصر فلازم الوصي يراقبها كويس و يتصرف لها في فلوسها و ممتلكاتها بما فيه مصلحتها و نجاتها و إستقرارها ووووووو حاجات كتير إحن اساسا مش عارفينها

يالا حسبنا الله و نعم الوكيل و صحي النوووووووووووووووووووووووووم يا مصريين

ليس دفاعا عن البرادعي

منذ عودة الدكتور البرادعي إلي مصر منذ حوالي 6 أشهر و قد قامت الدنيا ولم تقعد

و هذا من حسن حظنا أنه يوجد من هو وطني بحق و يحب هذه البلد و يقدر دورها و إمكانياتها و موقعها الحالي و قدراتها الآن و يكفيك أن تري جملة مصر مبارك علشان تعرف الزفت اللي إحنا فيه يعني هو ده إسمها بالكامل او إيه المهم قبل أن نقول مع أو ضد نشوف بسرعة إحنا فين بالضبط من خريطة العالم في كل حاجة من التعليم مثلا او التنمية و معدلاتها و مش حنناقش أرقام أو غيره و لكن حنقول إننا بعيد جدا ينستورد كل حاجة فعلا و الصناعة المحلية ضعيفة جدا و مستواها رديئ جدا حتي علي مستوي الصناعات البسيطة لا يوجد أي مواصفات قياسية أو سلسلة جودة للمنتج و خلافه و صناعات بير السلم هي الأكثر ربحية لسبب بسيط إنه مافيش أي مصاريف غير المباشرة فقط و طبعا الإكراميات أو غيره إلي حد ما بعيدة يعني لو دفع شوية إكراميات و هو شغال من غير رخصة وسارق الكهرباء و الماء و مافيش أي مراعاة للبيئة و غيره فأكيد مش مشكلة خالص نيجي للزراعة و طبعا إحنا بلد زراعي أساسا أبا عن جد لما تلاقي المزارعين مش لاقيين مياه للزراعة و لسة مشكلة النيل لم تظهر بعد و كمان المياه بالمجان للري و طبعا واضح جدا من أسعار الفواكه و الخضار إن فيه كارثة مش معروف سببها و طبعا الإنتاج الحيواني سواء في صورة لحوم بيضاء أو حمراء أو ألبان و منتجاتها و تلاقي إن أسعار الفراخ بتتضاعف و كذلك اللحوم والله الجبنة البيضاء و القريش بقت بمبالغ طائلة علي الناس إلا من رحم ربي و نشوف الكوارث الأخري مع كل ده تلاقي فاشيولا و إشعاع و ملوثات الدنيا و الآخرة و برضه مبيدات مسرطنة و أسمدة مهببة يعني أكيد العدد زاد عاوزين نقلله أو نعالجه علي حساب الدولة!!!!!!!!!!
و الأراضي و كل ممتلكات الدولة بيتم سرقتها ليلا نهارا عيانا بيانا من غير خوف و لا قلق و لا حاجة خالص

و تلاقي أولاد الحلال خليها الحلال !!!!! بيقولوا البرادعي جاي علي دبابة أمريكية أو من فوق و مش عارف حاجة طيب هو اللي عارف عمل إيه سؤال بسيط والوطني الأمير إيه سياسته بالضبط ضد المصالح الأمريكية يعني هو لو البرادعي بتاع أمريكا أمال ده بتاع مين ؟؟؟؟ أنا عندي مشكلة واحدة مع اللي بيتهم الشعب بأنه أصل البلاوي لأن ده ظلم لينا أكيد أنا مش سلبي و ما بعملش أي حاجة إيجابية  مولود كده مثلا و لكن موروثات خليك جنب الحيط و الحيطان لها ودان و الخواف ربي عياله و غيرها و غيرها
المهم إننا لازم نتفق إن إحنا في وضع أقرب ما يكون للزبالة حقيقي حالة عامة من الإنحدار الرهيب و الفارق الشاسع بين الطبقات مريع و مرعب و مفزع و الناس بتعدي الإنتخابات و التزوير و غيره أما لقمة العيش حنلاقي إنفجار بجد و بعدين أي حاجة زي دي ربنا يستر علينا جميعا مش عارفين حيحصل إيه
البرادعي طالب بكل اللي إحنا بنتكلم فيه و بنطالب بيه الراجل لم يأتي بجديد و كل اللي واقف وراه موافق علي اللي بيطالب بيه المطالب السيعة حقيقي يجمع عليها الناس كلها و لكن أصحاب المصالح المستفيدين من الوضع الحالي كلهم بيتهموا البرادعي بالعمالة أو البعد عن الدين أو إلغاء المادة الثانية من الدستور بتاعة الشريعة الإسلامية الراجل علماني يهودي جن أزرق طيب و إحنا في إيد أمينة !!!! أمينة مين و الله يبقي زي ما يبقي المهم إنه لابد من التغيير لو فعلا الحاكم الحاي ده أعبد من في الأرض ووضعنا كده يبقي برضه لازم يتغير يعني العبرة بالنتائج بجد مش كلام و خلاص و تلاقي كل و احد طالع بيقول البرنامج بتاع الريس كله تم و كمان في زيادة يعني إحنا أما هبل أو عمي أو طرش علشان البرنامج خلص بس إحنا لا شفناه و لا سمعناه يجوز برنامج في السر
و الله اعلي و أعلم
المفيد إن إحنا نغير ونضع مباديئ للتغيير نتفق علي أغلبها و بعدين نحاسب علي أساسها مش معقول الريس يبقي إله غني عن الحساب و كلمته قانون فوق كل حاجة و بعدين مش محتاجين أي إختراعات أو علما ذرة و لا حاجة كله موجود و متاح و معروف قص و لزق بس المهم التطبيق و الرقابة و الديمقراطية بجد مش هوامش و خلافه